Dinagadag ti Department of Agriculture (DA) itay Peberero 25 dagiti a mannalon nga agmulmula iti kamatis a makikoordinarda iti ahensia tapno maipaayan ida iti direkta a manggatang kabayatan ti panagaapit.
Daytoy ti kinuna ti DA kalpasan a maammuanda a nagbalin laengen a ₱4 agingga ₱5 kada kilo ti presio ti kabburas a kamatis (farmgate price). Iti kallabes, immabot pay iti ₱100 ken nasursurok ti kada kilo ti kamatis.
Iti maysa nga interbiu, kinuna ni Assistant Secretary Arnel de Mesa, pannakangiwat ti DA, a kabaelanda nga ipaayan dagiti lokal a mannalon iti pangilakuanda kadagiti produktoda iti nainkalintegan a presio.
Kinuna ni De Mesa a mabalin nga agkiddaw iti tulong dagiti mannalon kadagiti Municipal Agriculture Office wenno iti regional office ti DA. Innayonna a makisarsarita met ti DA kadagiti negosiante a dida koma gunggundawayan dagiti lokal a mannalon.
Polis a wanted iti panagrames, natiliw kalpasan ti ilalasatna iti EDSA busway
Impaganetget ketdi ni De Mesa a kasapulan ti cold storage facilities a pakailebbenan dagiti apit tapno mataming dagiti agbaliwbaliw a presio ti farmgate ken retail, ta seasonal laeng dagiti produkto kas iti kamatis ken sibuyas. (Stephanie Sevillano/PNA//Lito Hilidon/Bannawag)
