Agbalor iti nasurok a ₱121 a milion ti peke a Louis Vitton a produkto ti sinamsam dagiti kameng ti National Bureau of Investigation (NBI) kadagiti pagtagilakuan iti Cavite.
Iti maysa nga statement a nairuar ita a Mierkoles, Peb. 26, kinuna ti NBI a nasamsam dagiti peke a produkto babaen ti operasion nga inwayat ti NBI Intellectual Property Rights Division (NBI-IPRD) a nangipatungpal iti search warrant idi Peb. 20 kadagiti establisimiento iti General Trias ken Imus, Cavite a nakatiliwanda iti adu a peke a Louis Vitton nga agbalor iti ₱121,622,838.
Nairuar ti search warrant gapu iti reklamo nga impila ni Mayank Vaid, pannakabagi ti Louis Vitton, maibusor kadagiti di autorisado a panangilako iti peke a produkto nga addaan iti marka a Louis Vitton.
Segun iti NBI, linabsing dagiti akinkukua iti naraut nga establisimiento ti Republic Act No. 8293, wenno ti Intellectual Property Code of the Philippines.
Polis a wanted iti panagrames, natiliw kalpasan ti ilalasatna iti EDSA busway
Pinakdaaran ni NBI Director Jaime B. Santiago ti publiko a liklikanda ti aggatang kadagiti peke a produkto. (Jeffrey Damicog/Manila Bulletin//Lito Hilidon/Bannawag)
