Kinalikaguman ti Korte Suprema (SC) a sungbatan ti Kongreso ti petision nga impila ni Bise Presidente (BP) Sara Duterte a nagkiddaw iti pannakawaswas ti impeachment complaint a naipila kontra kenkuana.
Iti naangay a full court session itay Pebrero 25, binilin ti SC ti Kamara ken ti Secretary General daytoy a ni Reginald S. Velasco, ken ti Senado a mangidatagda iti komentoda iti las-ud ti di-mailayon a 10 nga aldaw manipud pannakaipakaammoda.
Segun ken ni Camille Sue Mae L. Ting, a pannakangiwat ti SC, dina ammo no tinaming ti SC ti petision nga impila dagiti abogado ken umili ti Mindanao a nagkiddaw a maideklarar koma a "null and void" ti impeachment complaint.
Kinuna ni Ting a dina ammo ti napasamak iti deliberasion ti Korte, ket urayen laengen no ania ti sumaruno nga aramiden ti Korte.
Polis a wanted iti panagrames, natiliw kalpasan ti ilalasatna iti EDSA busway
Innayon ni Ting nga ad-adalen pay ti SC no pagtitiponenda dagiti petision mainaig iti impeachment complaint. (Rey G. Panaligan/Manila Bulletin//Lito Hilidon/Bannawag)
