Apo Abogado,
Adda anakko nga agtawen ti tallo a ni Gabriel. Ngem nadlawmi nga agassawa a di unay makapagsarita; manmano dagiti balikas a maibagana, di maun-uni, dina kayat ti agtugaw a maymaysana, dina kayat ti agiggem iti lapis, dina kayat ti makiay-ayam kadagiti kakabsatna, kanayon nga agkatkatay.
Gapu iti danagmi, impakitami ni Gabriel iti maysa a Developmental Pediatrician ket kalpasan dagiti nadumaduma a test wenno eksamen, kasla natupakankami nga agassawa iti langit idi imbaga ti doktor nga addaan ni Gabriel iti “Global Developmental Delay” (GDD) a kayatna a sawen a delayed wenno naudi ti amin nga aspekto ni Gabriel a kas iti panagsaona ken tignayna maibatay iti edadna.
Ngarud, kas kuna ti doktor, addaan iti “special needs” ni Gabriel ta maysa isuna nga “special child” ket masapulna iti speech and language therapy, physical therapy ken occupational therapy. Nagastos dagitoy a klase a therapy ngem awan mabalinanmi nga agassawa. Nagpatanganmi nga agassawa nga ikidemmi lattan ti gastos ta bareng malainganto wenno pumintasto ti kasasaad ni Gabriel. Kuna ti doktor a gapu iti kasasaad ni Gabriel nga addaan iti GDD nga agresulta iti makunkuna a learning disability, maibilang ngarud isuna a Person with Disability (PWD). Napanunotmi ngarud a padasenmi ti agpatulong iti gobierno a kas koma iti Department of Social Welfare and Development (DSWD) wenno Department of Health (DOH) barbareng adda maitulongda kadakami. Ngem kayatmi man, Apo Abogado, ti malawlawagan maipanggep iti kaso ti anakko— a no maysa isuna a PWD, ania dagiti karbengan wenno benepisio a mabalin a maalana wenno maalami para kenkuana manipud iti gobierno? –Carol
TULONG ITI MANNALON: Camote Chips ti Produkto ti Brgy. Mabaleng
Patgek a Carol,
Makipagriknaak iti kasasaadyo a sangapamilia ta addaankayo iti maysa nga special child, a maklasipikar a kas PWD. Ngem adda dagiti paglintegantayo a mangprotektar ken mangted kadagiti benepisio kadagiti PWD tapno nataltalged ti panagbiagda. Dagitoy a paglintegan ket pammigbig kadagiti PWD nga iti agdama ket agdagup iti dandanin dua a milion ditoy Filipinas, a kasapulan a maipaayanda iti tulong babaen dagiti nadumaduma a benepisio. Saan laeng a dagiti PWD ti mabenepisiaran kadagitoy a paglintegan, mairaman pay dagiti pamiliada wenno dagiti mangtartaraken kadakuada ta uray kaskasano makissayan dagiti magastosda kadagiti PWD a kameng ti pamiliada.
Adtoy dagiti paglintegan a mangted iti tulong ken benepisyo kadagiti PWD: Republic Act No. 7277 wenno Magna Carta for Disabled Persons ken Republic Act No. 9442, a nangamendar iti Republic Act No. 7277; Batas Pambansa Blg. 344, The Accessibility Law; Republic Act 6759, An Act Declaring August 1 of Each Year as White Cane Safety Day; ken Republic Act 10754, An Act Expanding the Benefits and Privileges of Persons with Disabilities.
Dagitoy a paglintegan ket tratarenna dagiti PWD a kas paset ti gimong; ngarud, masapul a suportaran ida ti estado, masalakniban amin a karbenganda ken nawayada nga agbiag.
Kuna ti Department of Health (DOH) a dagiti Filipino nga addaan iti permanente a disabilidad wenno kondision medikal ket mabalinda ti agaplikar iti PWD ID card ta daytoy ti ipakitada para iti diskuentoda kadagiti kasapulanda.
Dagitoy met sumaganad ti permanente a disabilidad wenno kondision medical a kas dakdakamaten ti DOH: visual disabilities (bulsek); hearing disabilities (tuleng); orthopedic and physical disabilities (kas koma kadagiti imbalido wenno baldado, naputolan iti saka wenno ima, scoliosis, dwarfism ken dadduma pay); intellectual and learning disabilities (dagiti marigatan a makaawat wenno makasursuro wenno dagiti naudi wenno delayed ti pannakasukog ti intellectual, cognitive nga aspekto ti kinataoda kas koma iti global developmental delay (GDD) ken dadduma pay); psychosocial disabilities (maigapu iti mental health issues a manglimitar iti abilidad ti maysa a tao a makiinteraksion iti sabali a tao wenno iti aglawlawna, adda tendensia dagitoy a tao a mangipakita iti makunkuna nga antisocial behavior); disabilities caused by chronic illnesses (kas iti kanser, chronic kidney disease, diabetic retinopathy ken dadduma pay), ken mental disabilities (kas koma iti bipolar disorder, autism, attention deficit hyperactivity disorder (ADHD), schizophrenia, Down Syndrome, long-term recurring depression, ken dadduma pay). Estrikto ti gobierno a mangadal ken mangikeddeng no ti maysa nga aplikante iti PWD ID card ket talaga a PWD. Masapul a mangidatag ti aplikante kadagiti dokumento a mangipakita nga isuna ket maysa a PWD.
Ngarud, Carol, mabalinmo ti agaplikar iti PWD ID card ni Gabriel iti barangay, siudad wenno munisipalidad wenno iti lokal nga opisina ti Department of Social Welfare and Development (DSWD). Mangidatagka iti 1x1 ID pictures, barangay clearance ken pammaneknek nga adda disability ni Gabriel kas koma iti medical certificate, disability certificate, wenno kaudian nga school assessment.
Adu dagiti benepisio dagiti PWD, ipresentar laeng ti PWD ID card para iti 20% discount kadagiti produkto ken serbisio a kas iti makan, akomodasion iti hotel, groceries, restaurants, agas, medikal ken dental a serbisio, wheelchair, plete iti bus, barko, eroplano, dyip, sine, toll fees, puneraria ken gastos iti pannakaitabon, edukasion, inkapilitan a coverage iti SSS, GSIS, Philhealth, ken Pag-IBIG ken dadduma pay. Adda nayon a 5% discount malaksid iti 20% discount kadagiti kangrunaan a kasapulan ti PWD a kas koma iti bagas, karne, ikan, prutas, tinapay, gatas, itlog, mantika, kape, asukar, suka, asin, delata, soy sauce, noodles, sabon, LPG, construction materials, bateria, bombilia, veterinary products, livestock and fishery feeds, school supplies, ken dadduma pay. Masapul nga inggana laeng iti P1,300 ti balor dagitoy a produkto iti makalawas tapno maala daytoy 5% a nayon a diskuento ti maysa a PWD. Prioridad pay dagiti PWD iti pila a makunkuna nga express lanes kadagiti nadumaduma nga establisimiento a kas iti eskuela, airport, bus terminal, pier, restaurant, ken dadduma pay. No maikkan ti PWD iti PWD ID card, balido wenno epektibo daytoy iti tallo (3) a tawen ken mabalinto manen ti PWD ti agaplikar.
Maibatay kadagiti nadakamat iti ngato, kuna ti paglintegan:
“PWD Philippines: Benefits and Privileges
PWDs in the Philippines enjoy certain discounts and privileges. To avail of these benefits, the PWD ID must be presented. In the absence of an ID, those with disabilities may present their passport to get a PWD discount.
20% Discount and Value Added Tax (VAT) Exemption
PWDs can get a 20% discount on certain products and services, and are exempt from VAT which includes the following categories:
· Room accommodations in lodging establishments, including dormitories for students
· Restaurants
· Cinemas, theaters, and other recreational centers
· Medicines, mobility aids like wheelchairs, and food for special medical purposes
· Medical and dental services, including professional fees, diagnostic, and laboratory fees
· Fares for domestic air and sea travel
· Fares for land transportation, including jeeps, buses, taxis, trains, and TNVS/ ride-hailing services
· Funeral and burial services for the death of a PWD
· Skyways and expressways toll fees (for PWD owning a vehicle).
Note that PWDs can’t get double discounts. PWDs may avail of either the 20% discount for a specific service or the discount offered by the establishment if the latter applies.
Likewise, if you’re a PWD and a senior citizen, you can use either your senior citizen ID or PWD ID to avail of the 20% discount.
5% Discount on Necessities and Prime Commodities
The law also grants a 5% PWD discount in the Philippines on top of the mandatory 20% discount and VAT exemption.
· Necessities – rice, corn, bread, fresh, dried, and canned seafood, fresh pork, beef and poultry meat, fresh eggs, fresh and processed milk, infant formulas, fresh vegetables, root crops, coffee, sugar, cooking oil, salt, laundry soap, detergents, firewood, charcoal, candles, and other commodities as classified by the DTI and the DA.
· Prime commodities – fresh fruits, dried, processed and canned pork, beef, and poultry, meat, dairy products not falling under necessities, noodles, onions, garlic, diapers, herbicides, poultry, swine, and cattle feed, veterinary products for poultry, swine, and cattle feeds, veterinary products for poultry, swine and cattle, paper, school supplies, nipa, shingle, plyboard, construction nails, batteries, electrical supplies, light bulbs, steel wire and other commodities that may be classified by DTI and DA.
Note that purchases for necessities and prime commodities should not exceed P1,300 a week to avail of the 5 percent discount.
Mandatory Coverage Under SSS/ GSIS, Philhealth, and Pag-IBIG
Membership to the Social Security System (SSS)/ Government Insurance System (GSIS), Phil health, and Pag-IBIG Fund is compulsory for PWD workers in the Philippines. This means it entitles all working PWDs to the same benefits from these government agencies as other members.
Educational Assistance
In the Philippines, PWDs have access to financial aid in the form of scholarships, educational grants, and subsidies. These privileges apply to educational levels in both public and private schools.
Express Lanes for PWDs
PWDs are a priority in all commercial and government transactions in the Philippines. This law requires establishments to create express lanes for PWDs.”
(Palagip: Kadagiti legal a saludsodyo, ag-e-mail-kayo ken ni Apo Abogado iti [email protected] wenno saan, mabalinyo nga ipatulod babaen ti koreo iti: Apo Abogado, Bannawag Magazine, Manila Bulletin Publishing Corp., Muralla cor. Recoletos Sts., Intramuros, Manila. Ilanad met iti suratyo ti adres ken numero ti selponyo. Saan a maipablaak ti pudno a nagan ti nagsurat malaksid no adda pammalubos daytoy.)
