Suroten ti gobierno ti pinal a pangngeddeng ti Korte Suprema (SC) mainaig iti parikut iti pannakayakar ti excess funds ti Philippine Health Insurance Corp. (PhilHealth) iti National Treasury tapno maponduan dagiti prioridad a proyekto ken programa.
Segun ken ni Claire Castro, Undersecretary ti Presidential Communications Office (PCO), ur-urayen ti gobierno ti pinal a pangngeddeng ti SC.
Maipapan iti maysa pay a parikut iti PhilHealth a naidatag iti SC, kinuna ni Castro nga ur-urayenda ti pangngeddeng ti SC iti "zero subsidy" ti PhilHealth.
Saan a nailatangan iti pondo ti PhilHealth iti ₱6.326 a trilion a national budget para iti 2025, ngem impasigurado ni Presidente Marcos Jr. a kabaelan latta ti PhilHealth nga ipaay dagiti medikal a benepisio para iti sapasap. (Betheena Unite/Manila Bulletin//Lito Hilidon/Bannawag)
