Agtalinaed ti posision ti gobierno a saan a makitinnulong ti Filipinas iti panagimbestigar ti International Criminal Court (ICC) iti drug war ni dati a presidente Rodrigo Duterte.

Daytoy ti kinuna ni Undersecretary ti Presidential Communications Office (PCO) Claire Castro kalpasan a kinarit ni Solicitor General Menardo Guevarra ti ICC a yawatda ti ania man nga ebidensia nga iggemda imbes a pilitenda ti Filipinas a makitinnulong.

Segun ken ni Castro, kapanunotan laeng ni Gueverra ti imbagana, ngem masapul nga agsadag iti kinuna ni Executive Secretary Lucas Bersamin.

Kinuna ni Castro a saan a nagbaliw ti posision ti gobierno nga awan hurisdiksion ti ICC iti Filipinas.

Nasional

China, inlibakna a nagkiddaw ni Duterte iti asylum

Ngem inlawlawag ni Castro a makitinnulong laeng ti Filipinas no agdalan iti International Criminal Police Organization (Interpol) ti kiddaw ti ICC.

Innayon ni Castro a tumulong ti Filipinas no ti Interpol ti agkiddaw iti tulong.

Idi Nobiembre ti napan a tawen, impasingked ni Presidente Marcos Jr. a sitatalinaed a nakakumit ti Filipinas kadagiti obligasionna iti Interpol ket masapul a takderann dagita nga oblikasion. (Argyll Cyrus Geducos/Manila Bulletin//Lito Hilidon/Bannawag)