Indeklarar ti Ulama Council ti Zamboanga Peninsula ken Bangsamoro Darul-Ifta nga opisial a mangrugi ti nasantuan a panawen ti Ramadan iti Filipinas inton Domingo, Marso 2.
Ni Sheikh Abdulrauf Guialani, Bangsamoro Mufti, ti nangipaulog iti deklarasion idi Biernes, Pebrero 28, maibatay kadagiti resulta dagiti aktibidad a panangamiris iti bulan iti isu met laeng nga aldaw a naipadamag a saan a nasiputan dagiti moon-sighter ti crescent moon a mangipasimudaag iti panangrugi ti panawen ti Ramadan para kadagiti amin a Muslim.
Naisayangkat dagiti aktibidad a panangamiris iti bulan iti Bangsamoro Autonomous Region Muslim Mindanao, kadagiti opisial a lokasion: Timako, Cotabato City; Linek, Tapian Kusion, ken Parang, Maguindanao del Norte; Sunkist Bay Walk, Bongao, Tawi-Tawi; Kapitolio ti Siudad ti Isabela, Basilan; Barangay Margis, Sarangani; Mingkay Beach, Misamis Oriental; ken iti Manila Bay.
Maysa a pumada nga annoucement ti impaskil ti Ulama Council of Zamboanga Peninsula iti Facebook page-da idi Biernes.
“Ti Ramadan ti maikasiam a bulan ti kalendario ti Hijri ken ti panagayunar iti daytoy a bulan ti maikapat nga adigi ti Islam,” kinuna ti Ulama Council ti Zamboanga Peninsula maipapan iti kaipapanan ti Ramadan.
Rali ti INC, nayakar iti Manila
Ramrambakan dagiti Muslim iti sangalubongan ti nasantuan a bulan ti Ramadana kas bulan ti panagayunar, panagayat, ken panagkararag. (Liza Jocson/MANILA BULLETIN)
