Inkeddeng ti Department of Education (DepEd) a nayonan ti maitampok a paay-ayam babaen ti panangiramanda iti weightlifting, pole vault (para kadagiti hayskul a babbai), ken pencak silat iti maika-65 a Palarong Pambansa a maangay manipud Mayo 24 agingga 31, 2025 iti Ilocos Norte.
Impakaammo daytoy ni Sekretario ti DepEd Sonny Angara kabayatan ti pannakalukat ti Cordillera Administrative Region Athletic Association (CARAA) Sports Meet, ket impaganetgetna ti panggep ti gobierno a mangparang-ay iti ay-ayam ti pagilian.
Segun ken ni Angara, mayam-ammo ti weightlifting a kas demonstration sport, idinto nga agbalin a regular sport iti athletics ti pole vault para kadagiti babbai.
Agbalin metten a paset ti Palarong Pambansa ti pencak silat, maysa a Southeast Asian martial art.
China, inlibakna a nagkiddaw ni Duterte iti asylum
Ti probinsia ti Ilocos Norte ti mangsangaili iti 2025 Palarong Pambansa a manamnama a dar-ayan ti agarup 15,000 a makipaset manipud kadagiti 18 a delegasion, agraman ti National Academy of Sports. (Jel Santos/Manila Bulletin//Lito Hilidon/Bannawag)
