Nasuspenso ti klase ti sumagmamano a pagadalan iti National Capital Region (NCR) ita nga aldaw, Marso 3, gapu iti nakaro a heat index a mabalin a dumanon iti 42 degrees Celsius.
Iti Siudad ti Manila, nasuspenso dagiti amin a klase iti malem kadagiti para iti publiko ken pribado a pagadalan, kas insingasing ti Disaster Risk Reduction Management Council (DRRMC).
Segun ken ni Mayor ti Manila Honey Lacuna, adda iti 36 agingga iti 38 degrees Celsius ti heat index ti Manila itay agsapa, ket mabalin a dumanon iti 42°C ti marikna a kapudotna iti 2:00 ti malem.
Pinalagipan ni Lacuna ti publiko nga uminumda iti adu a danum ta mabalin a mangpataud ti nangato a heat index iti heat stroke ken dadduma pay a sakit.
Polis a wanted iti panagrames, natiliw kalpasan ti ilalasatna iti EDSA busway
Iti pakaammo ti Philippine Atmospheric, Geophysical and Astronomical Services Administration (PAGASA) itay agsapa, marikna iti Central Luzon State University iti Muñoz, Nueva Ecija, ti napeggad a heat index a 45°C ita nga aldaw. (Ferdinand Patinio/PNA//Lito Hilidon/Bannawag)
