Panggep ti Department of Agriculture (DA) a mangipatakder iti adu a planta ti yelo a paandaren ti init iti entero a pagilian tapno maksayan ti pannakadadael ken pannakapukaw kalpasan ti panagapit kadagiti produkto ti agrikultura ken panagkalap.
Kinuna ni Sekretario ti DA Francisco Tiu Laurel a daytoy nga addang ket paset ti kari ti ahensia a mangpasayaat iti suplay ti taraon ken panangnayon iti tulong kadagiti mannalon ken mangngalap.
Maibatay iti datos ti DA, nadaras a maperdi dagiti nabalor a mula kas iti prutas ken natnateng, agraman dagiti ikan ken dinguen iti nagbaetan ti 35 a porsiento ken 40 a porsiento.
Babaen dagiti planta ti yelo, mabalin nga agtalinaed ti kinasadiwa ken balor ti produkto, a kasapulan iti panangpataud iti dakdakkel a ganansia.
Polis a wanted iti panagrames, natiliw kalpasan ti ilalasatna iti EDSA busway
Itay kallabes, linuktan ti Philippine Center for Postharvest Development and Mechanization (PHilMech), maysa nga ahensia ti DA, ti ₱3.9 a milion a solar-powered ice block machine iti ili ti Pilar iti Cebu. (Dexter Barro II/Manila Bulletin//Lito Hildion/Bannawag)
