Impeksa ni Vice Ganda ti "pannakariribukna" idi inamin ti maysa a contestant iti programa iti telebision nga "It's Showtime" a saan a pamiliar daytoy no ania ti Commission on Elections (COMELEC), ti kangrunaan nga ahensia ti gobierno a pinusgan ti Konstitusion a mangipatungpal ken mangimaton kadagiti amin a linteg ken pagannurotan maipapan iti pannakaisayangkat ti regular ken espesial nga eleksion.
Naisawang ni Vice ti komento kabayatan ti "Sexy Babe" segment ti programa iti tengnga ti aldaw ti GMA Network. Kabayatan ti Q&A portion ti programa, dinamag ni Vice iti contestant nga agnagan iti Heart Aquino: "Ania ti mensahem iti COMELEC?"
Insungbat ti contestant: "Sorry, apo! Saanako unay nga ammo ti maipanggep iti COMELEC."
Inkomentar ni Vice: "Ayna, Diosko! Makariribuk man dayta!"
Dinamag ni Kim Chiu, a maysa kadagiti host ti programa, iti contestant: "Saanka kadi nga agbotbotos?"
Signal 1, naibayog iti 12 a lugar iti Luzon gapu ken ni Bagyo Kiyapo
Sungbat ti contestant: "Saan pay, apo!"
Dinamag ni Vice iti contestant: "Kasano ngarud? Awan ti sungbatmo?" Innayon ti host: "Saanka kadi nga agbuybuya iti telebision wenno agbasbasa iti diario?"
Insungbat ti contestant bayat ti panagkatawana: "Awan TV-mi, apo. Saan met a lumablabas daytoy (maipapan iti COMELEC) iti (Facebook) news feed-ko."
Idi naibaga iti contestant a ti COMELEC ket isu ti mangimatmaton kadagiti aktibidad ti eleksion, insungbat ti contestant. "Siguro ket masapul a patastayo laeng, apo. Siguro ket maikari para kadatayo a ti agtugaw (a mangabak a politiko) ket 'tay adda maipaayna a pagsayaatan kadatayo ken ti komunidadtayo. Saan a kasdiay?" (Robert Requintina/MANILA BULLETIN)
