Kuna ni Camille Villar a napateg ti pannakasuportar ti modernisasion iti agrikultura, ken ti pannakaipaay iti panagsanay kadagiti mannalon tapno mapapigsa pay ti produksion iti taraon ken matun-oyan ti seguridad iti taraon iti pagilian.
Iti maysa nga innuman iti prensa iti Nature's Village Resort iti Talisay City, Negros Occidental itay nabiit, dinakamat ni Villar nga iti laksid ti kinaadu dagiti linteg ti pagilian mainaig iti agrikultura, masapul a marepaso ti pannakayimplimentar dagitoy a linteg.
Inkari ni Villar a paigetenna pay ti kabaelan ti Kongreso a mangsiput iti pannakayimplimentar dagiti linteg mainaig iti agrikultura, partikular dagiti makatulong kadagiti mannalon.
AFP, sisasagana a mangsuportar iti 3 a Filipino a naibalud iti China
Dinakamatna ti Sugar Cane Industry Development Act, a ti panggepna, mataginayon wenno sostenable ti produksion iti industria ti unas.
Kuna pay ni Villar nga ipaay ti linteg ti nalawlawag a suporta kas iti panagsnaay para kadagiti mannalon babaen ti dua a bilion a pisos a pondo iti tinawen para iti eskolarsip dagiti mannalon. Babaen daytoy, maipaayan iti tulong dagiti mannalon tapno masigurado a kabaelanda ti agbalin a modernisado, mas produktibo ken nain-inut.
Babaen ti umno nga implementasion, mamati ni Villar a dagitoy a linteg, pudno a matulonganda dagiti mannalon.
Kuna pay daytoy kandidato a Senador iti tiket ti administrasion nga adu dagiti napipintas a linteg ken adu pay dagiti mabalin nga aramiden ngem nasken a masigurado nga nasayaat ti pannakayimplimentar dagitoy.
