Nakasaganan a mangirugi iti contingency plan wenno panagsagana iti ania man a mabalin a mapasamak ti Department of Migrant Workers (DMW) tapno masigurado ti kinatalged dagiti overseas Filipino workers (OFW) iti Taiwan iti baet ti ikakaro ti tension gapu kadagiti aktibidad ti China a naiturong iti isla nga addaan kabukbukodanna a turay.
Kinuna ni DMW Secretary Hans Cacdac a nakikoordinarda iti Manila Economic and Cultural Office, ti Philippine representative office iti Taiwan nga agtigtignay kas de facto embassy ken idauluan ni Chairperson ken Resident Representative Cheloy Garafil, tapno masigurado ti kinatalged dagiti OFW.
Segun ken ni Cacdac, imon-monitor a nalaing ti DMW, babaen ti MECO ken dagiti Migrant Workers Office, ti situasion iti Taiwan.
Kimmaro ti tension kalpasan a nangangay ti China iti large-scale a military drills iti aglawlaw ti Taiwan idi Marso 31, a nang-deploy kadagiti puersa ti army, navy, air, ken rocket-na. Patien dagiti security analyst a maysa a “rehearsal” daytoy ti China para iti planona a panangraut iti Taiwan, nga ibilangna a renegade a probinsia a masapul a maipasidong iti “reunification.”
<i>Magellan </i>a pelikula ni Lav Diaz, maipabuya iti 2025 Cannes Film Festival
Kinuna ni Cacdac a sitatalinaed a naridam ken nakasagana ti DMW tapno masigurado ti kinatalged ken pannakaprotektar dagiti OFW. (Martin Sadongdong/MB)
