"Saan a pudno nga awan ti pondo ti PHilHealth, tapno makaipaay iti serbisio kadagiti Filipino."
Daytoy ti impaganetget ni Presidente Ferdinand Marcos Jr. iti naangay a "Trabaho at Serbisyong Pangkalusugan sa Bagong Pilipinas" iti Antipolo, Rizal idi Abril 4, kas sungbatna kadagiti sayangguseng a saanen a maipaay ti PhilHealth (Philippine Health Insurance Corp) ti tulong a kasapulan dagiti Filipino.
Segun ken ni Marcos, nanayonan pay ketdi ti serbisio nga ididiaya ti PhilHealth sipud idi napan a tawen.
Kinuna daytoy ni Marcos kalpasan ti naangay nga oral arguments iti Korte Suprema (SC) mainaig iti pannakayallatiw ti ₱89.9 a bilion nga excess fund ti PhilHealth iti national treasury.
Balikatan Exercise ti Filipinas, US, marugian ita nga aldaw
Kinuestionar ni Associate Justice ti SC Alfredo Benjamin Caguioa ti kalintegan ti Kongreso a mangikeddeng iti rumbeng a mailatang iti PhilHealth iti pannakabukel ti tinawen a national budget. (Betheena Unite/Manila Bulletin//Lito Hilidon/Bannawag)
