Nagsublin ni Bise Presidente Sara Duterte iti Filipinas kalpasan ti dandani makabulan a panangtamingna kadagiti kasapulan ti amana a ni dati a presidente Rodrigo Duterte, a nakabalud iti International Criminal Court (ICC) iti The Hague, gapu iti kaso a crimes against humanity.
Impakaammo ti Office of the Vice President (OVP) itay parbangon ti Lunes, Abril 7. a nagdisso ti nagluganan ni Duterte nga Emirates Airlines flight no. EK 334 iti Ninoy Aquino International Airport (NAIA) idi rabii ti Domingo, Abril 6.
Kinuna ti OVP a sungbatan ni Duterte dagiti saludsod maipapan iti napateg bambanag kadagiti sumaruno nga al-aldaw.
Inyebkas ni Duterte ti panggepna a tumabuno iti hearing ti Senado mainaig iti pannakaarestar ti amana.
Balikatan Exercise ti Filipinas, US, marugian ita nga aldaw
Kinuna ni Duterte a sisasagana a mangsungbat iti saludsod no ania ti napasamak iti Hong Kong wenno no ania ti napasamak idi simmangpet ti amana iti Manila. (Argyll Cyrus Geducos/Manila Bulletin//Lito Hilidon/Bannawag)
