Iti Nueva Ecija ti pakaipatakderan ti umuna nga onion research and extension center iti pagilian, kas panangpaganaygay ti Department of Agriculture (DA) iti industria ti sibuyas.
Maipatakder ti baro a pasilidad iti ili ti Bongabon, Nueva Ecija a maibilang a kas onion capital ti Filipinas. Kakapat ti mapataud a sibuyas ti rehion, wenno 15 a porsiento ti kadagupan ti pataud ti pagilian, ti aggapu iti Bongabon.
Maibatay iti datos ti Philippine Statistics Authority (PSA) idi 2024, dandani 13,000 nga ektaria ti taltalon iti Central Luzon ti namulaan iti sibuyas, a nakaapit iti 158.01 a ribu a metrika tonelada (MT).
Ti Central Luzon ti nangpataud iti 59.8 a porsiento ti dagup ti naapit a sibuyas iti pagilian, a mapan a 264,320 MT.
<i>Magellan </i>a pelikula ni Lav Diaz, maipabuya iti 2025 Cannes Film Festival
Impasigurado ni Sekretario ti DA Francisco Tiu Laurel a tulonganda dagiti agmulmula iti sibuyas ken masursuruanda iti baro a teknolohia tapno mapaadu ti apitda.
Tumulong ti research center iti pannakapataud iti wagas a mangparmek kadagiti sakit ken peste ti sibuyas, ken pannakapasayaat iti kalidad ti bin-i ken maapit.
Maibatay iti datos ti Bureau of Plant Industry (BPI), mapan a 17,000 MT a nalabaga a sibuyas, idinto a 4,000 MT a puraw a sibuyas, ti makonsumo iti pagilian iti binulan. (Dexter Barro II/Manila Bulletin//Lito Hilidon/Bannawag)
