Indeklarar ni Presidente Ferdinand Marcos Jr. ti Abril 22, 2025 a kas aldaw ti panagladingit ti pagilian gapu iti ipupusay ni National Artist Nora Aunor.
Pinirmaan ni Presidente Marcos Jr. ti Proclamation No. 870 idi Lunes, Abril 21.
Kinuna ni Marcos iti impaulogna a proklamasion a dakkel a pukaw kadagiti Filipino ken iti cultural ken artistic community ti pagilian ti ipupusay ni National Artist for Film and Broadcast Nora Cabaltera Villamayor, a nalatak iti nagan a Nora Aunor.
Segun ken Marcos, agladladingit ti entero a pagilian ket makipagriknada iti pamilia ken gagayyem ni Nora.
Abogado ni Sara Duterte, agtalek a mangabakda iti impeachment case
Bayat ti day of national mourning, maibaba ti bandera ti Filipinas iti half-mast, kas tanda ti panagladingit kadagiti amin a pasdek ken lugar nga addaan ti bandera.
Segun iti linteg, maibaba iti half-mast ti bandera ti Filipinas manipud ileleggak agingga iti ilelennek ti init, kadagiti amin a pasdek ti gobierno iti entero a pagilian ken iti ballasiw taaw, ita nga Abril 22.
Naipaay ti state funeral ken ni Nora Aunor ket naitabon iti Libingan ng mga Bayani iti Western Bicutan, Taguig City ita nga aldaw. (Betheena Unite/Manila Bulletin//Lito Hilidon/Bannawag)
