Winaswas ti Quezon City (QC) Prosecutor’s Office ti kaso ni dati a pannakangiwat ti presidente Harry Roque a cyberlibel nga impila ni dati a senador Antonio Trillanes IV, kinuna ti Department of Justice (DOJ) ita nga aldaw, Abril 23.
Segun ken ni Assistant Secretary ti DOJ Jose Dominic F. Clavano IV, awan ti nasarakan ti QC prosecutor nga umdas a pammaneknek tapno maidatag ti kaso a kriminal iti korte.
Ngem kinuna ni Clavano a mabalin pay a yapelar ni Trillanes ti pannakawaswas ti kaso ni Roque.
Idi napan a tawen, indarum ni Trillanes da Roque ken Banat By gapu iti mapapati a panangisawangda iti kinaulbod nga impadawat kano ni Trillanes ti Scarborugh Shoal iti China babaen ti nalimed a pannakisaritana kadagiti opisial ti China idi 2012. (Jeffrey Damicog/Manila Bulletin//Lito Hilidon/Bannawag)
