Pinasingkedan ni Sekretario ti Department of National Defense (DND) Gilberto "Gibo" Teodoro Jr. a sabali pay a batch ti aramid ti India a BrahMos cruise missile system ti sumangpeten iti Filipinas.
"So, parating na ito at aming gagawin ang kailangan natin upang magamit ito ng tama," kinuna ni Teodoro iti maysa nga interview iti EDSA Shangri-la Hotel iti Siudad ti Mandaluyong City.
Immun-una nga impadamag ti media ti India a ti maikadua a baterry manipud iti tallo a baterry a BrahMos nga inorder ti Filipinas manipud India ket maibibiahen babaen ti cargo ship.
"Yan ay mga dating order ken talagang parating naman," kinuna ti hepe ti DND.
Saanmi a pangpangtaan ti asino man --Malakanyang
Innayon ni Toedoro a naisaganadan ti lokasion a pakaiplastaran ti plataporma agraman dagiti kasapulan nga storage facility.
Kadawyan a buklen ti maysa a battery ti tallo agingga iti innem a launcher agraman dagiti paset ti pang-monitor ken pang-track, kasta met dagiti lugan a para iti logistics support.
Naisangpeten dagiti immuna a battery ti BrahMos idi Abril idi napan a tawen.
Nupay kasta, awan pay ti inruar ti DND ken Armed Forces of the Philippines (AFP) nga ania man nga update mainaig iti kasasaad ti immuna a BrahMos.
Kabalinan ti BrahMos cruise missile a mai-launch manipud iti barko, eroplano, submarino, wenno iti daga, ken addaan iti kangatuan a kapegges nga agarup a Mach 2.8 (mapan a 3,400 kph), ken kabaelanna nga awiten dagiti warhead nga agdagsen iti 200 agingga iti 300 a kilo.
Daytoy a plataporma ti armas ket manamnama a mangtaming kadagiti pagkapuyan ken vulnerability ti militar ti pagilian iti sea control, anti-access/area-denial (A2/AD), ken coastal ken island defense operations.
Ni dati a Sekretario ti DND Delfin Lorenzana ken ti direktor heneral ti BrahMos Aerospace a ni Atul Dinkar Rane ti nangpirma iti kontrata nga aggatad iti ₱18.9 a bilion iti maysa a birtual a seremonia idi Enero 2022. (Priam Nepomuceno/Philippine News Agency)
