Ipaayan ni Presidente Ferdinand Marcos Jr. iti Presidential Medal of Merit dagiti uppat a nalatak a Filipina a da Gloria Romero (Queen of Philippine Cinema), Nora Aunor (National Artist for film and Broadcast Arts), Pilita Corrales (Asia's Queen of Songs), ken Margarita Fores (nalatak a chef ken restaurateur) inton Mayo 4, segun iti Malakanyang.
Pinasingkedan ni Undersecretary ti Presidential Communications Office (PCO) Claire Castro babaen ti text message a maaramid ti seremonia ti pannakaipaay ti posthumous recognition iti Rizal Ceremonial Hall ti Malakanyang.
Ti Presidential Medal of Merit ti simbolo ti kangatuan a panangipateg kadagiti nangidedikar iti biagda iti panakapabaknang ti kultura ti Filipino ken nangyeg iti dayaw ti pagilian. (Argyll Cyrus Geducos/Manila Bulletin//Lito Hilidon/Bannawag)
