Ingganetget ni kandidato para senador Camille Villar nga ipangpangrunana ti pagimbagan dagiti overseas Filipino worker (OFW), kas panangbigbigna kadagiti sakripisio nga ar-aramidenda tapno maipaayda ti nasaysayaat a masakbayan dagiti pamiliada.
Iti panangipaganetgetna iti napateg nga akem dagiti OFW iti ekonomia ken kagimongan ti pagilian, inyunay-unay ni Villar a kasapulan nga ad-adda a mapapigsa ken maitipon dagiti panagregget ti gobierno a mangsalaknib ken mangsuportar kadagiti mangmangged a Filipino iti ballasiw-taaw.
Idinto a ti pannakaipasdek ti Department of Migrant Workers (DMW) ket nangipasdek iti napateg a milestone iti pannakasigurado daytoy a panggep, napaliiw ni Villar nga agtultuloy a sangsanguen ti ahensia ti “birth pains” iti panangtaming kadagiti kaso a pakairamanan dagiti mamalmaltrato nga OFW, dagiti overstaying a Filipino, ken dagiti pakaseknan ti repatriation.
“Masapul a kanayon a siguraduen ti gobiernotayo ti pannakaprotektar dagiti OFW. Ngem malaksid iti dayta, masapul met a pabilgentayo dagiti pamiliada tapno a nainsiriban ti inda panangipuonan iti nagrigrigatan a natgedan ti OFW,” kinuna ni Villar.
Sara Duterte: Addaak iti listaan dagiti arestaren ti ICC
Kas panangraem iti nabayagen a tradision ti pamilia a mangsuportar kadagiti OFW, imbinglay ni Villar a ti amana, ni dati a presidente ti Senado Manny Villar, ti nangbangon iti umuna a housing unit a para iti maysa nga OFW lima a dekadan ti napalabas. Agtultuloy agingga iti agdama daytoy a panagkumit babaen kadagiti gannuat kas iti tinawen nga OFW Family Summit, nga inorganisar ti pamilia Villar.
“Panggep ti OFW Family Summit a tulongan dagiti pamilia ti OFW a mangestablisar iti pagbiagan wenno negosio. Tinawen met a mangtedkami ti house and lot packages tapno mapadayawan ti arapaap ken napinget a panagtrabaho dagiti pamilia ti OFW,” kinuna ni Villar.
Maitampok iti OFW Family Summit dagiti seminar maipapan iti tulong ti gobierno, financial literacy, livelihood opportunities, ken makaparegta nga istoria manipud kadagiti naballigi nga OFW a nangbangon iti baro a biag babaen ti entrepreneurship kalpasan ti panagawidda.
Iti pananginanamana nga agserbinto iti Senado, inkari ni Camille Villar nga agtalinaed a natibker a kaaliado dagiti OFW.
“Kankanayo nga adda dagiti karit iti biag,” kinunana, “ngem maipanamnamak a kanayon nga addaak iti sidong dagiti OFW-tayo ken agtrabaho tapno mapasayaat ti biagda—ken ti biag dagiti pamiliada.”
