Nagleppas ti "makapabileg ken positibo" a saritaan ti Filipinas ken Estado Unidos (US) maipapan iti komersio iti laksid ti panangipakat ti US kadagiti reciprocal tariff kadagiti produkto ti Filipinas.
Iti maysa nga statement, kinuna ni Frederick Go, Special Assistant to the President for Investment and Economic Affairs, a napintas ti nagbanagan ti saritaan ta ti interes ti lokal nga industria ti kangrunaan a pinagsaritaanda.
Inanamaen ni Go, daulo ti delegasion ti Filipinas, a mangitunda daytoy iti natibtibker a relasion ti panagnegosio ti Filipinas ken US.
Naangay ti komprehensibo a panagpatang gapu iti impaulog ni US President Donald Trump a 17 a porsiento a reciprocal tariff iti yeksport ti Filipinas, ti maikadua a kababaan a taripa iti Southeast Asia.
Saanmi a pangpangtaan ti asino man --Malakanyang
Nairaman iti delegasion ti Filipinas da Go, Sekretario ti Department of Trade and Industry (DTI) Ma. Cristina Roque, ken Philippine Ambassador to the US Jose Manuel Romualdez. Ni met US Trade Rep. Jamieson Greer ti nangibagi iti US.
Iti naangay a taripnong, imparang dagiti opisial ti Filipinas no ania dagiti gundaway ken parikut a patauden ti reciprocal tariff kadagiti mayeksport a produkto ti Filipinas. (Raymund Antonio/Manila Bulletin//Lito Hilidon/Bannawag)
