Imbilin ti Commission on Elections (Comelec) Second Division ti pannakadiskualipikar ni agngayangay a diputado ti Siudad ti Pasig Christian “Ian” Sia gapu iti kontrobersial a sinaona maipapan kadagiti single mother iti maysa a panagkampania idi Abril.
Iti maysa a resolusion idi Mayo 7, pinatgan ti Comelec motu propio petition mainaig iti naalas a sinao ni Sia kadagiti single mother, idi kinunana a dagiti single mother nga agregregla pay laeng a mabalin a makidennada kenkuana maminsan ti makatawen, ken kasta met ti komentona maipapan iti pammagi ti babai nga assistant-na.
Impaganetget ti resolusion a ti panagngayangay iti public office ket saan a laeng a politikal a tarigagay no di ket maysa pay ketdi a pangrukodan iti moral a kabaelan a mangidaulo.
Gapu iti daytoy, saanen a matuloy ti kandidatura ni Sia a kas diputado ti Pasig City iti 2025 National and Local Election.
Warrant of arrest, ipawaswas dagiti abogado ni Atong Ang
No bilang ta mangabak ni Sia iti eleksion, maisardeng ti proklamasionna agingga a saan a pinal a maresolba ti kaso. (Richielyn Canlas/Manila Bulletin//Lito Hilidon/Bannawag)
