Linuktan manen ti Department of Transportation (DOTr) idi Mayo 7 ti consolidation iti sidong ti Public Transport Modernization Program (PTMP) tapno maikkan iti gundaway dagiti drayber ken operator ti public utility vehicle (PUV) nga agkameng kadagiti nabangon a kooperatiba wenno mangbukelda iti bukodda.
Maibatay iti Department Order (DO) No. 2025-009 a pinirmaan ni Sekretario ti DOTr Vince Dizon idi Mayo 6, mapalubosan dagiti operator ken drayber a sakupen ti DO a makikadua kadagiti agdama a consolidated transport service entities (TSE) kadagiti ruta nga addaan iti 60 a porsiento wenno nangatngato pay a consolidation rate.
Iti sabali a bangir, mapalubosan nga agpasada dagiti saan pay a nakikadua kadagiti agdama ken rationalized route nga awan ti nakonsolidar a TSE agingga a maipatungpal ti transfer plan.
Kinuna ni Dizon a panggep ti DO a palag-anen ti parikut iti pinansial dagiti operator ken marigatan a kooperatiba iti panagbayadda iti utangda iti banko gapu iti kinangina ti modernized a lugan ken dadduma pay a babayadan iti panagparehistro ken consolidation.
Kiko Pangilinan, ingganetgetna ti platapormana a seguridad iti taraon kadagiti botante iti Ilocos Sur
Innayon ni Dizon nga agdalan iti road worthiness checks dagiti daanen a dyip tapno masigurado ti kinatalged dagiti pasahero ken motorista. (Raymond Carl Dela Cruz/PNA//Lito Hilidon/Bannawag)
