Agdagup iti 10 a babassit a negosio iti Nueva Vizcaya ti nakaawat iti ₱200,000 a tulong a pagbiagan manipud iti Department of Labour and Employment (DOLE) tapno masuportaran ti operasion ken panagpataud iti matgedan dagiti maibilang nga adda iti baba.
Maibatay iti report ti DOLE Nueva Vizcaya Field Office (DOLE-NVFO), naikkan iti tulong dagiti benepisiario manipud iti ili ti Diadi, Dupax del Sur, Kasibu, ken Villaverde babaen ti Integrated Livelihood Program (DILP), a mangsaranay kadagiti negosio a patpatarayen ti pamilia kas iti panaglako iti makan, panagaramid iti tinapay, babassit a panganan, ken serbisio ti panangisuro.
Kinuna ti DOLE NVFO a napili dagiti benepisiario segun iti kasapulanda a kapital ken panangtungpal iti standards ti panagtrabaho ken kinatalged iti pagtrabahuan ken paglintegan iti salun-at.
Impaganetget ni daulo ti DOLE-NVFO Elizabeth U. Martinez, nga addaan met iti bassit a negosio, ti akem ti Business and Work Improvement Course (BWIC) iti panangipaay kadagiti benepisiario iti kabaelan a mangimaton iti peggad ken mangpasayaat iti produksion ti negosio.
Northern Luzon, nadayyeg ti 5.4 magnitude a ginggined
Maysa ti DILP kadagiti kangrunaan a programa ti DOLE a panggepda ti mangpasayaat kadagiti nalaka a maapektaran (vulnerable) a sektor babaen ti maibasar iti komunidad a panaglako ken panangitandudo iti mataginayon a pagbiagan iti entero a pagilian. (Trixee Rosel/Manila Bulletin//Lito Hilidon/Bannawag)
