Panawanen ni Elon Musk ti akemna iti gobierno a kas top adviser ni Presidente Donald Trump kalpasan nga indauluanna dagiti panagregget a mangkissay ken mang-overhaul iti federal bureaucracy.
Ti ipapanawna, a naipakaammo idi malem ti Mierkoles, Mayo 28, minarkaanna ti panagpatingga ti nariribuk a paset ti gobierno a nakairamanan ti rinibu a pannakaikkat iti trabaho, ti pannakapukaw ahensia ti gobierno, ken naruay a litigation. panagdarum. Iti laksid ti riribuk, nakirupir ti bilionario a negosiante iti di pamiliar nga aglawlaw ti Washington, ket basbassit nga amang ti naaramidanna ngem iti ninamnamana.
Nairanta ketdi met a temporario ti akem ni Musk nga agtrabaho ken ni Trump, ken nabiit pay nga impasimudaagna nga isublina ti atensionna iti panangtarawidwid kadagiti negosiona kas iti electric automaker a Tesla ken ti kompania ti rocket a SpaceX.
Ngem saan a nalawag dagiti opisial ti administrasion no kaano a panawan ni Musk ti puestona a mangidadaulo iti Department of Government Efficiency, a pagaammo kas DOGE, agingga a pettat nga impalgakna a pumanawen iti maysa a paskilna iti X, ti dati a Twitter, a kukuana.
Kaaduan a Filipino, kayatda nga ipangpangruna ni Sara Duterte dagiti kasapulan ti pagilian, sanguenna dagiti kasona a panagkunniber -- SWS
“Itan ta aggibusen ti naikeddeng nga orasko a kas Special Government Employee, kayatko ti agyaman ken ni Presidente DonaldT rump para iti oportunidad a makissayan ti saan nga umisu a panaggasto,” insuratna. “Pumigsa ketdi ti DOGE mission bayat ti panaglabas ti panawen ta agbalin daytoy a kas wagas ti panagbiag iti entero a gobierno.”
Maysa nga opisial ti White House, a nagkiddaw a saan a maipakaammo ti naganna, ti nangpasingked iti ipapanaw ni Musk.
Impakaammo ni Musk ti desisionna maysa nga aldaw kalpasan nga inruar ti CBS ti paset ti interbiu kenkuana a binabalawna ti sentro ti lehislatibo nga agenda ni Trump babaen ti panangibagana a “nadismaya” isuna iti ibagbaga ti presidente a “big beautiful bill” a maysa a lehislasion ti napagtipon a pannakakissay ti buis ken napapigsa nga immigration enforcement.
Inladawan ni Musk daytoy kas “massive spending bill” a mangpaadu iti federal deficit ken “mangdadael iti trabaho” ti Department of Government Efficiency.
“Pagarupek a mabalin a dakkel ti maysa a bill wenno mabalin a napintas,” kinuna ni Musk. “Ngem diak ammo no mabalin nga agpada (dakkel ken napintas).” (ASSOCIATED PRESS)
