Kaaduan dagiti Filipino kayatda nga ipangpangruna ni Bise Presidente Sara Duterte ti panangtamingna kadagiti kasapulan ti pagilian ken sanguenna ti kaso ti pangkunniber ken impeachment kontra kenkuana, segun iti maysa a surbey nga insayangkat ti Social Weather Stations (SWS) manipud Mayo 2 agingga 6.
Maibatay iti surbey nga inwayat ti Stratbase Group, 93 a porsiento dagiti Filipino ti mamati a masapul a prioridad ni Duterte ti pannakitinnulongna kadagiti dadduma a daulo tapno mataming dagiti kasapulan ti pagilian.
Malaksid iti daytoy, 88 a porsiento dagiti Filipino ti nagkuna a masapul a sanguen ni BP Duterte ti kasona iti impeachment ken dagiti alegasion iti panagkunniber.
Naaramid ti surbey babaen ti face-to-face interview kadagiti 1,800 a rehistrado a botante iti entero a pagilian. Naggapu dagiti respondent iti Metro Manila (300), Balance Luzon (900), ti Visayas (300), ken Mindanao (300). (Ellalyn De Vera-Ruiz/Manila Bulletin//Lito Hilidon/Bannawag)
