Mammati ni Bise Presidente Sara Duterte a ti impeachment trial iti Senado ti mangdalus iti naganna kadagiti pammabasol a di umisu ti panangusarna iti pondo ti gobierno, partikular ti confidential fund.
Iti maysa nga interbiu itay Mayo 30, anamongan ni Duterte ti kaudian a surbey nga agkunkuna a rumbeng a sanguenna ti kasona nga impeachment.
Ngem naulimek ni Duterte iti desision ni Senate President Francis Escudero a pannakayalud-od ti impeachment hearing inton Hunio 11, imbes nga inton Hunio 2, ta kayatna nga ipangpangruna ti maika-19 a Kongreso dagiti nakapila a gakat a linteg.
Adda sayangguseng nga amangan no saanen a matuloy ti impeachment trial ti bise presidente idinto nga agleppas ti maika-19 a Kongreso inton Hunio 30.
Torre, maikari a hepe ti PNP --Lacson
Segun kadagiti eksperto iti linteg, mabalin a makuestionar ti hurisdiksion ti maika-20 a Kongreso iti kaso nga impeachment a naipila iti maika-19 a Kongreso. (Raymund Antonio/Manila Bulletin//Lito Hilidon/Bannawag)
