Ingganetget ni incoming Mamamayang Liberal (ML) Party-list Rep. Leila de lima ti mabalin a panangkiddaw iti relief manipud iti Korte Suprema no bilang ta saan nga umallatiw iti maika-20 a Kongreso.ti impeachment trial kontra ken ni Bise Presidente Sara Duterte manipud iti agdama a maika-19 a Kongreso.
Paset ni De LIma iti 11 ti kamengna a prosecution panel ti Kamara iti impeachment case, nga ibagbaga ti sumagmamano a kaaliado dagiti Duterte iti Senado a natay kanon a kaso.
Ngem para kadagiti congressman-prosecutor, ti panangangay iti Senate impeachment trial ni Duterte iti maika-20 a Kongreso ket addan ditan a mapasamak.
"Para kaniak, iti daytoy a tukad ti impeachment trial, saan nga optional ti pannakaangayna iti impeachment court ken agtultuloy a maisayangkat daytoy iti impeachment trial," kinuna ni De Lima, a dati a senador, ita a Lunes, Hunio 2.
Senado, nagkiddaw iti PhilHealth a pasayaatenda ti coverage para iti anti-rabies
Iti maysa a press conference, impaganetget met ni Senate President Francis "Chiz" Escudero a saan a garantia a ti impeachment trial ti bise presidente--a pagserbian dagiti senador kas hues--ket mabalin nga agtultuloy iti maika-20 a Kongreso.
Kinuna ni Escudero nga adda iti plenario--apaman nga agtaripnong manen ti Senado inton Hulio--ti panangbotos no ania ti aramidenda iti impeachment complaint a naggapu iti Kamara.
"Iti daytoy a saritaan, aglalo no ibaganto dagiti senador iti maika-20 a Kongreso a 'Saankamin a mabalin agsipud ta kabarbarokamin. Masapul nga agsubli iti nangrugianna.' Siempre, saan a kayat dayta ti prosecution panel. Isu a baka ikamang iti SC," kinuna ni De Lima. (Ellson Quismorio/MANILA BULLETIN)
