Makaammon ni Apo Dios,” kinuna Sen. Imee Marcos iti komento ni BP Duterte iti pannakaisubli ni tatangna iti Filipinas-Bannawag

"Makaammon ni Apo Dios."

Daytoy ti sungbat ni Sen. Imee Marcos iti sinao ni Bise Presidente (BP) Sara Duterte a yawid ti senador ni dati a presidente Rodrigo Duterte iti Siudad ti Davao.

Segun ken ni Sen. Marcos, adu dagiti mangnamnama ken namnamaenda kenkuana isu nga aramidenna ti umisu ket makaammon ni Apo Dios.

Kinuna daytoy ni Senador Marcos iti baet ti kinuna ni Duterte nga itugotna ni Marcos iti sadino man a papananna ta "hostage-na" ti senador, kas panangrabak ti Bise Presidente bayat ti panangrambakda iti Independence Day iti Kuala Lumpur, Malaysia.

Kinuna ni Duterte a dina pabulosan ni Marcos agingga a saan a makasubli ti amana iti Davao City.

"Gapu ta ti kabsatmo ti nangipan ken ni tatangko iti the Hague, sika ti mangisubli kenkuna iti Filipinas," inyangaw ti Bise Presidente ken ni Marcos.

Malaksid ken ni Marcos, kadua ti Bise Presidente ni Senador Robin Padilla iti maysa a pasken nga inangayda iti Kuala Lumpur itay Hunio 12. (Dhel Nazario/Manila Bulletin//Lito Hilidon/Bannawag)

Makaammon ni Apo Dios,” kinuna Sen. Imee Marcos iti komento ni BP Duterte iti pannakaisubli ni tatangna iti Filipinas

Makaammon ni Apo Dios,” kinuna Sen. Imee Marcos iti komento ni BP Duterte iti pannakaisubli ni tatangna iti Filipinas

Visa-free entry dagiti Filipino a sumrek iti Taiwan, nayalud-od agingga iti 2026