Patien ti prosecution team ti Kamara a rumbeng nga agboluntario dagiti dadduma a senator-judge a di mangiraman iti bagbagida iti impeachment trial ni Bise Presidente Sara Duterte, gapu iti panangipakitada iti pannakikapponda iti bise presidente.
Daytoy ti kinuna ni San Juan City lone district Rep. Ysabel Maria Zamora idi Hunio 16, idi nasaludsod no adda gandat dagiti prosekusion a mangkiddaw iti di pannakairaman dagiti nadakamat a senador.
Inlawlawag ni Zamora a kadagiti gagangay a kaso, palubosan ti rules of court ti panagkiddaw dagiti maseknan a partido a saan a makiraman ti maysa nga ukom maibatay iti relasionda. Kas pagarigan, no ti maysa nga ukom ket kabagian ti maysa a partido wenno ti abogado, mabalin a kiddawen ti di pannakairaman ti ukom, ngem adda latta iti ukom ti pangngeddeng no iramanna ti bagina wenno saan.
Iti maysa nga impeachment court, agpaay a kas ukom dagiti amin a senador, idinto nga agpaay a kas prosecutor dagiti napusgan a kameng ti Kamara. Pagrebbengan met ti Kamara a patalgedan ken yendorso ti impeachment complaint.
Naikkat a polis a vlogger, naarestar iti kasona nga inciting to sedition
Nupay kasta, kuna ni Zamora a saan a tarigagayan ti prosekusion a kiddawen ti saan a pannakairaman dagiti senator-judge nga am-ammo a kumanunong ken ni Duterte, tapno saan ida a mapabasol a mangpabayag iti panagtulid ti impeachment trial. (Ellson Quismorio/Manila Bulletin//Lito Hilidon/Bannawag)
