Pinakdaaran ti Department of Health (DOH) idi Sabado, Hunio 21, ti publiko kadagiti mangal-allilaw a website ken social media accounts a mangtultulad iti DOH tapno aglakoda kadagiti di beripikado a produkto, partikular dagiti inuulbod a mailaklako a pangagas iti iti alta presion (high blood pressure).
“Saan nga agen-endorso ti DOH ti ania man a produkto. Agannad kadagiti peke nga account ti DOH,” kinuna ti DOH iti maysa a public advisory.
Segun iti DOH, dagitoy a palso nga accounts ken websites ket us-usarenda ti nagan ti DOH ken dagiti opisialna tapno aglakoda kadagiti komersial a produkto, partikular dagiti mailaklako a kas pangagas iti alta presion.
Segun iti DOH, dagitoy a produkto ket awanan pammaneknek a makaagas kenet saan a yendorso ti DOH ti ania man a komersial a produkto.
Luistro: Mabalin a luktan manen ti Senado ti impeachment ni VP Duterte no paboran ti SC ti MR ti Kamara
Naipakita iti advisory ti screenshot ti maysa a panangallilaw a page nga addaan iti logo ti DOH ken ti nagan ti maysa nga eksperto iti medisina a maipagarup a mangyen-endorso iti produkto a pagdalus iti urat.
Kinuna ti DOH a dagiti opisial a social media account-da iti Department of Health (DOH) ket Facebook: DOHgovph, Instagram: @doh.philippines, ken ti opisial a website-da: www.doh.gov.ph. (Jel Santos/MB)
