Mabalin nga agbaliw ti idadalan iti Jordan kas natalged a pagnaan dagiti Filipino a mangpanaw iti Israel kadagiti sumaruno nga aldaw ta “nagramaramen ti peggad,” kinuna ti consul general ti Philippine Embassy iti Tel Aviv idi Hunio 22, a nanglukat iti posibilidad a mausar ti Egypt wenno ti Mediterranean Sea tapno makaawid dagiti Filipino.
“Saan a kanayon nga adda natalged a pagnaan babaen ti Jordan. Mabalin a mabaliwan dayta. Agdepende iti no kasano ti ikakaro ti gubat ken no kasano nga agramaram dagiti pagpeggadan” inlawlawag ni Deputy Chief of Mission ti Philippine Embassy iti Tel Aviv ken Consul General Anthony Achilles Mandap iti maysa nga online press conference.
“Mabalin a kadagiti sumaruno nga al-aldaw, baka ti atalged a pagnaantayo ket ti Egypt) iti abagatan--mabalin met nga iti Mediterranen,” innayonna, a dinakamatna nga amin dagitoy a mabalin a pagnaan, mabalin nga agserra iti masakbayan.
Adda ti Egypt iti abagatan ti Israel, idinto nga adda iti met daya ti Jordan. Iti napalabas, iti panagbakwit dagiti Filipino bayat ti Arab Spring, nakitinnulong met ti pagtrabaho met ti gobierno ti Filipinas iti sumagmamano a pagilian tapno maibakwit dagiti Filipino babaen dagiti naarkila a barko iti Mediterranean Sea, nga adda iti laud ti Israel.
National Guard ti Minnesota, nagtignay kalpasan ti panangpaltog ti federal immigration officer iti maysa a lalaki a nars
Kinuna ni Mandap a silulukat dagitoy a posibilidad gapu ta agtalinaed a siseserra ti airspace iti Israel ken suspendido amin a flight.
Segun met ken ni Department of Migrant Workers (DMW) Secretary Hans Leo Cacdac, adda itan 223 a Filipino manipud Israel a nangipasimudaag iti interesda nga agawid iti Filipinas.
Kabayatanna, kinuna ni Philippine Ambassador iti Jordan Wilfredo Santos nga alert level 1 pay laeng ti maipakpakat iti Jordan gapu ta “awan pay ti direkta a panagatakar iti Jordan ita.” (Raymund Antonio/MB)
