Saanen a naklaat ni Presidente Ferdinand Marcos Jr. iti panangbabalaw ni Bise Presidente Sara Duterte iti panangtaming ti gobierno iti parikut iti West Philippine Sea (WPS), gapu ta kinunana a "pro-China" dagiti Duterte.
Daytoy ti inwaragawag ni Undersecretary ti Presidential Communications Office (PCO) Claire Castro kas sungbat iti sinao ni Bise Presidente Duterte iti panangikabil ti Estados Unidos iti Typhon missile system iti Filipinas.
Iti panagbitla ni Duterte iti “Free Duterte Now” rally a naangay iti Parliament Gardens iti Melbourne, Australia, binabalawna ti agdama a parikut ti Filipinas ken China, ket kinunana a rumbeng nga ipatungpal ti Filipinas ti 2016 Arbitral Tribunal award babaen ti diplomatiko a wagas.
Kinuna ti bise presidente a di rumbeng a makikappon ti Filipinas iti maysa a foreign power ken palubosan lattan dagiti missile-da a sumrek iti pagilian, idinto nga ammoda a saan nga anamongan ti kabusor daytoy, ken awan biang ti Filipinas iti parikut dagiti dua a pagilian. (Betheena Unite/Manila Bulletin//Lito Hilidon/Bannawag)
