Kimmapsut ni Bagyo Bising (international name “Danas”) ita nga aldaw, Hulio 7, bayat ti panagturongna iti amianan a laud a paset ti Taiwan, ngem papigsaenna met ti abagat (southwest monsoon) a mangyeg iti tudo ken pamigsaen nga angin kadagiti sumagmamano a paset ti Luzon.
Nasaripatpatan ti Philippine Atmospheric, Geophysical and Astronomical Services Administration (PAGASA) ti sentro ni Bising iti 405 a kilometro (km) amianan-amianan a laud ti Itbayat, Batanes itay 4:00 iti parbangon.
Agpigsa ni Bising iti 130 km kada oras iti asideg ti sentrona ken pugso nga agingga iti 180 km kada oras, ket agpaamianan a daya iti kapardas a 25 km kada oras.
Kinuna ni weather specialist ti PAGASA Daniel James Villamil nga awan ti naibayog a tropical cyclone wind signal, ta adayon ni Bising iti pagilian.
Pannakaimbestigar ti mining permit iti Dupax del Norte, kiniddaw ni Sen. Pangilinan
Nupay kasta, pinapigsa ni Bising ti abagat a mangyeg iti tudo ken napigsa gna angin iti nadumaduma a paset ti Northern ken Central Luzon, agraman iti Ilocos Region, Cagayan Valley, Central Luzon, Metro Manila, ken Southern Luzon. (Ellalyn De Vera-Ruiz/Manila Bulletin//Lito Hilidon/Bannawag)
