Impalgak ti Department of Foreign Affairs (DFA) nga agtultuloy ti pannakaawatda kadagiti report maipapan kadagiti mapapati a Filipino a biktima ti human trafficking iti Thailand, Myanmar, Laos, ken Cambodia.
Gapu itoy. kinuna ti DFA a sitalinaedda a naikumit iti pannakaisalakan ken pannakayawid dagiti amin a Filipino a nabiktima nga agtrabtrabaho kadagiti illegal call center iti South East Asia.
Innayonna ti DFA nga "agtultuloy nga ipaayna ti panangiganetget ken rekursos iti panangipaay iti amin a posible a tulong kadagiti Filipino a marigatan ken agkasapulan a matulongan, bayat a makiddawe kadagiti autoridad dagiti pagilian a yanda para iti kooperasionda."
Kiniddaw met ti DFA kadagiti kabagian dagiti Filipino, a kayatda ti mangipaay iti beripikado nga impormasion maipapan kadagiti kabagianda a mabalin a naibalud kadagiti scam hub iti asideg ti beddeng ti Myanmar ken Thailand, nga umasidegda kadagiti embahada ti Filipinas iti Yangon ken Bangkok.
Makabayan bloc, mangipila iti baro nga impeachment complaint kontra ken ni VP Duterte kalpasan ti one-year ban
Mabalinda a kontaken ti hotline ti Yangon PE’s Assistance-to-Nationals (ATN) (+95 998 521 0991), ag-email iti [email protected], wenno babaen ti opisial a Facebook Messenger ti Embahada ti Filipinas iti Myanmar, ken ti hotline ti Bangkok PE’s Assistance-to-Nationals (ATN) +66 81989 7116 wenno ag-email babaen ti [email protected].
"Ipalagip manen ti gobierno ti Filipinas ti balakadna kadagiti amin a Filipino a lumasatda koma kadagiti umno a deployment procedure nga impasdek ti Department of Migrant Workers (DMW) ken dadduma pay a maseknan nga ahensia, sakbay a pumanawda iti pagilian para iti overseas employment," kinuna pay ti DFA. (Betheena Unite/MB)
