Inaprobaran ni Presidente Ferdinand Marcos Jr. ti singasing a nailian a badiet para iti 2026 nga aggatad iti ₱6.793 a trilion, segun iti Malakanyang.
Inwarawagawag ni Undersecretary ti Presidential Communications Office (PCO) Claire Castro idi Martes, Hunio 15, nga inanamongan ni Presidente Marcos ti singasing a nailian a badiet iti naangay a Cabinet meeting iti Malakanyang.
Kinuna ni Castro a maipakita iti singasing a badiet ti panagkumit ti administrasion ni Marcos iti panangpasayaat iti kalidad ti edukasion ken iti biag dagiti amin a Filipino.
Impaganetget ti presidente a panggep ti 2026 budget a parang-ayen ti ekonomia ken ti kalidad ti biag ti tunggal Filipino.
Pannakaimbestigar ti mining permit iti Dupax del Norte, kiniddaw ni Sen. Pangilinan
Segun ken ni Department of Budget and Management (DBM) Sec. Amenah Pangandaman, katukad ti nailian a badiet ti 22 a porsiento ti GDP (gross domestic product) ken nangatngato iti 7.4 a porsiento ngem iti badiet idi 2025 a ₱6.326 a trilion. (Betheena Unite/Manila Bulletin//Lito Hilidon/Bannawag)
