Imballaag ti Philippine Atmospheric, Geophysical and Astronomical Services Administration (PAGASA) ti kaadda ti napigsa a tudo iti sapasap a pagilian a yeg ni Bagyo Crising agraman ti Abagat (Habagat) manipud ita nga aldaw, Huebes, Hulio 17, agingga inton Domingo, Hulio 20.
Maibatay iti Weather Advisory No. 8 a nairuar iti 11 a.m., Hulio 17, kuna ti PAGASA nga adda sumagmamano a probinsia nga agsagrap iti nasursurok ngem 200 mm a tudo a mabalin a mangpataud iti layus ken panaggidday kadagiti lugar nga adda iti kabambantayan wenno naturod a disso.
Manipud iti tengnga ti aldaw ti Hulio 17 agingga iti Hulio 18, kuna ti PAG-ASA a posible nga agsagrap iti 100-200 mm a tudo ti Camarines Norte, Camarines Sur, ken Catanduanes, ken 50–100 mm iti Cagayan, Isabela, Quirino, Aurora, Quezon, Albay, Sorsogon, Masbate, Northern Samar, Eastern Samar, Samar, ken Biliran.
Manipud iti tengnga ti aldaw ti Hulio 18 agingga iti Hulio 19, nasursurok ngem 200 mm a tudo ti posible a sagrapen ti Cagayan, Apayao, ken Ilocos Norte; 100–200 mm iti Batanes, Kalinga, Mt. Province, Abra, Benguet, Ilocos Sur, La Union, ken Pangasinan; ken 50–100 mm iti Ifugao, Isabela, Quirino, ken Nueva Vizcaya.
Senado, pinasingkedanna ti ₱6.793-trilion a nailian a badiet para 2026
Manipud iti tengnga ti aldaw ti Hulio 19 agingga iti Hulio 20, mapan a 100–200 mm a tudo ti mabalin a sagrapen ti Ilocos Norte, ken 50–100 mm iti Ilocos Sur, La Union, Pangasinan, Apayao, Abra, Benguet, ken Cagayan.
Iti sabali a bangir, kuna ti PAGASA nga agsagrap met iti napigsa a tudo ti akinlaud a paset ti pagilian gapu iti Abagat (Habagat).
Manipud iti tengnga ti aldaw ti Hulio 17 agingga iti tengnga ti aldaw ti Hulio 18, nasursurok ngem 200 mm a tudo ti posible a sagrapen ti Occidental Mindoro ken Antique; 100–200 mm iti Palawan, Iloilo, Guimaras, ken Negros Occidental; ken 50–100 mm iti Metro Manila, Zambales, Bataan, Cavite, Batangas, Oriental Mindoro, Marinduque, Romblon, Aklan, Capiz, Negros Oriental, Siquijor, Cebu, Zamboanga del Norte, Lanao del Norte, ken Lanao del Sur.
Manipud iti tengnga ti aldaw ti Hulio 18 agingga iti tengnga ti aldaw ti Hulio 19, posible ti 100–200 mm a tudo a sagrapen ti Zambales, Bataan, Cavite, Batangas, Occidental Mindoro, Palawan, ken Antique; ken 50–100 mm iti Metro Manila, Tarlac, Pampanga, Nueva Ecija, Bulacan, Rizal, Laguna, Oriental Mindoro, Romblon, Aklan, Iloilo, Guimaras, Negros Occidental, ken Negros Oriental.
Manipud iti tengnga ti aldaw ti Hulio 19 agingga iti tengnga ti aldaw ti Hulio 20, 100–200 mm a tudo ti posible a sagrapen ti Zambales, Bataan, ken Occidental Mindoro, ken 50–100 mm iti Metro Manila, Tarlac, Pampanga, Bulacan, Cavite, Batangas, Rizal, Laguna, Palawan, Oriental Mindoro, Romblon, Antique, Iloilo, Guimaras, ken Negros Occidental.
