Tallo a senador a nalatak a pasurot ni dati a presidente Rodrigo Duterte ti saan a tumabuno iti State of the Nation Address (SONA) ni Presidente Ferdinand R. Marcos Jr. ita nga aldaw, Hulio 28.
Iti maysa a press conference a naangay kalpasan ti panaglukat ti umuna a sesion ti maika-20 a Kongreso, kinuna ni Sen. Imee Marcos nga ipangpangrunana ti panangtulong kadagiti inapektaran dagiti nabiit pay a limmabas a bagyo.
Innayon ni Marcos a saan met a dumar-ay ni Sen. Robinhood "Robin" Padilla iti SONA ita a tawen.
Kinuna ni Sen. Ronald “Bato” dela Rosa a saanna nga atendaran ti maikapat a SONA ta saanna a kayat ti agpammarang nga awan ti sakit ti nakemna iti presidente.
Pannakaimbestigar ti mining permit iti Dupax del Norte, kiniddaw ni Sen. Pangilinan
Segun ken ni Sen. Christopher “Bong” Go, saanna a dar-ayan ti SONA gapu iti ut-ot iti bukotna, a masapul nga ipaagasna a dagus, ngem denggenna latta ti SONA ti presidente ta annongenna daytoy. (Hannah L. Torregoza/Manila Bulletin//Lito Hilidon/Bannawag)
