Ni Ilocos Norte 1st district Rep. Sandro Marcos ti napili a kas majority leader ti Kamara iti maika-20 a Kongreso ita nga aldaw, Hulio 28.
Innominar isuna ni acting floor leader Iloilo 3rd district Rep. Lorenz Defensor.
Pinasingkedan ni House Speaker ken Leyte 1st district Rep. Martin Romualdez ti pannakapili ni Marcos kalpasan nga awan ti nangsupiat iti pannakainominarna.
Iti tawenna a 31, mabalin a ni Marcos, ti inauna nga anak ti presidente, ti maibilang a kaubingan a nagakem kas majority leader.
Senado, pinasingkedanna ti ₱6.793-trilion a nailian a badiet para 2026
Iti umuna a terminona kas diputado iti maika-19 a Kongreso, ni Marcos ti nagpaay a kas senior deputy majority leader--nababbaba laeng iti maysa lebel ngem iti majority leader.
Ti saad ti majority leader ti kadawyan a maibilang a kas "bastonero," a kaipapananna ti daulo, mangurnos, ken pastor, ken dadduma pay.
Kas majority leader, automatiko a ni Marcos ti daulo ti nabileg a Committee on Rules, ti komite a mangikeddeng no ania ti tamingenda iti plenario. (Ellson Quismorio/Manila Bulletin//Lito Hilidon/Bannawag)
