Ti panangbabalaw ti publiko kalpasan a nag-viral (nagwaras iti social media) a ladawan ti maysa a kongresman a mapapati nga agbuybuya iti “online sabong” bayat ti sesion ti Kamara, ket agserbi koma a motibasion para iti nasional a gobierno tapno ad-adda a mapapigsa ti kampania kontra iti online gambling.
Ket segun iti Cybercrime Investigation and Coordinating Center (CICC), adda iti umno a dana para iti naan-anay a pannakaikkat dagiti online platform dagiti makailuod nga ay-ayam a pakairamanan ti “online sabong” wenno online a pallot.
Impaganetget ni CICC deputy executive director Renato Paraiso ti nasken a panagpatinggan dagiti online games ta dineskribirna dagitoy a dumakdakkel a pangta iti cybersecurity ken social fabric ti pagilian.
"Saan laeng a maipapan iti panagsugal daytoy. Maipapan daytoy iti organisado a cybercrime, financial fraud, ken pananggundaway kadagiti digital loophole a mangipalubos iti panagraira dagiti maiparit nga aktibidad. Saanmi a basta laeng a kondenaren daytoy nga aramid. Desididokami a mangikkat iti daytoy," kinuna ni Paraiso.
Senado, pinasingkedanna ti ₱6.793-trilion a nailian a badiet para 2026
Ngem kinuna ni Paraiso a dagiti nangruna a maiwayat iti kampania kontra kadagiti online gambling platform ket ti nainget a regulasion, transparency, ken accountability.
Ti CICC, segun ken ni Paraiso, makitana ti insidente (ti kongresman nga agbuybuya iti online a pallot a kas nalawag a palagip no kasano ti kinakaron ti unregulated online gambling, ta uray payen iti laem ti bileg ti pagilian, mapaspasamak daytoy
“Makitami daytoy saan laeng a kas maysa a wake-up call no di ket kas validation ti agdama nga estratehiatayo. Masapul a maipamaysa dagiti panagregget iti panangparmek kadagiti sindikato a mangpatpataray kadagiti illegal platform, bayat a masigurado met a naan-anay a maitunos iti linteg dagiti regulated operation,” kinunana. (Aaron Recuenco/MANILA BULLETIN)
