Mapan ni Presidente Ferdinand Marcos Jr. ita nga aldaw, Agosto 4, ti state visit iti India tapno mangallukoy iti agpuonan ken pannakitinnulong iti information technology (IT), pharmaceuticals, agrikultura, ken seguridad iti suplay ti taraon, ken iganetgetna a papigsaen ti panaggayyem ti Filipinas ken ti pagilian nga addaan maikapat a kadakkelan nga ekonomia iti sangalubongan.
Timmayab ti eroplano ti presidente iti Villamor Air Base iti Siudad ti Pasay itay 10:44 iti agsapa.
Idauluan ni Marcos ti taripnong dagiti negosiante iti New Delhi ken Bangalore, a tarigagayanna a makasarita dagiti daulo ti kompania iti India iti sektor ti IT ken dadduma pay a tay-ak.
Impasingked ni Marcos a kabaelan ti pharmaceutical industry ti India a tulongan ti Filipinas iti pannakailaka dagiti presio ti agas iti pagilian ken iti pannakapasayaat iti koneksion iti internet ti Filipinas dagiti kompania ti teknolohia iti India.
Pannakaimbestigar ti mining permit iti Dupax del Norte, kiniddaw ni Sen. Pangilinan
Dinakamat ni Marcos ti agpada a panangsuportar ti Filipinas ken India iti international maritime law, nangruna iti United Nations Convention on the Law of the Sea (UNCLOS), ken ti interesda a mangsalaknib kadagiti marino ken panangsalimetmet iti siwawaya a panaglayag iti rehion. (Argyll Cyrus Geducos/Manila Bulletin//Lito Hilidon/Bannawag)
