Saan nga ammo ti Malakanyang no sadino ti yan ni Bise Presidente Sara Duterte, kuna ni Undersecretary ti Presidential Communications Office Claire Castro, idi Agosto 6.
Segun ken ni Castro, sinaludsodda ti Office of the Executive Secretary ket ti pagaammoda a kaudian a naited a travel authority ni Bise Presidente Duterte ket idi napan daytoy iti The Netherlands ken South Korea, manipud Hulio 5 agingga iti 28.
Kinuna ni Castro nga ammoda nga adda gandat ti bise presidente a mapan iti Kuwait inton Agosto 8, ngem awan pay ti kiddawna a baro a travel authority para iti dayta.
Nupay impaganetget ni Castro a saan a makibiang ni Presidente Marcos iti kaso nga impeachment ni Duterte, dinagadagna dagiti senador nga aramidenda koma ti karbenganda kas maitunos iti linteg.
Kasapulan ti natibker ken nainkalintegan a pagtaktakderan iti parikut iti WPS --NMC
Kinuna ni Castro a raemen ti presidente ti pangngeddeng ti Korte Suprema a nangideklarar nga "unconstitutional" ti impeachment complaint ti Kamara, ngem nasaysayaat koma no urayenda ti pinal a desision ti Korte Suprema ta adda naipila a motion for reconsideration manipud iti Kamara. (Betheena Unite/Manila Bulletin//Lito Hilidon/Bannawag)
