Imbilin ni Presidente Ferdinand Marcos Jr. kadagiti puersa ti polis a parmekenda dagiti krimen a mangusar iti moderno a teknolohia, gapu ta nasursuruanen dagiti kriminal kadagiti baro a wagas a panangiwayat iti dakes a panggepda.
"Usarenda dagiti kabaruanan a teknolohia a mangallilaw, mangsikap, ken mangbiktima. Dagitoy dagiti masapul a bantayantayo. Daytoy ti rumbeng a parmekentayo," kinuna ni Presidente Marcos iti panagbitlana iti panangrambak iti maika-124 nga anibersario ti Philippine National Police (PNP) ita nga aldaw, Agosto 12.
Kinuna daytoy ni Marcos kas panangsuportarna iti panggep ti PNP a pannakamoderno ken naan-anay a panagsagana iti operasion.
Segun ken ni Marcos, addan drones ken dadduma pay a kabaruanan a teknolohia ti PNP a mangpapigsa iti operasionda, tapno naparpardas a panangsalaknibda, panangwanawan, ken panagresponde.
Pannakaimbestigar ti mining permit iti Dupax del Norte, kiniddaw ni Sen. Pangilinan
Ngem inlawlawag ni Marcos a dinto pulos a sukatan ti kabaruanan a teknolohia dagiti polis iti maysa a lugar. (Betheena Unite/Manila Bulletin//Lito Hilidon/Bannawag)
