Nangipaulog iti warrant of arrest ti Davao City Regional Trial Court Branch 10 kontra ken ni retirado nga opisial ti polis Arturo B. Lascañas gapu iti kaso nga online libel, panangpapatay (murder), ken attempted murder.
Binilin ti korte dagiti pannakabagi ti linteg a tiliwenda ni Lascañas gapu iti panaglabsingna iti Section 4(c)(4) of Republic Act No. 10175, wenno ti Cybercrime Prevention Act of 2012 babaen ti warrant a naipaulog idi Hunio 9, 2025, ken addaan iti piansa a ₱48,000.
Saan a mapiansaan ti kaso ni Lascañas a panangpapatay (murder) nga addaan iti warrant a nairuar idi Oktubre 16, 2020; idinto a dua ti kasona nga attempted murder a mapiansaan iti ₱120,000 tunggal kaso.
Ti Philippine National Police ti Davao City, ti Bureau of Immigration, ken ti National Bureau of Investigation ti nangipila iti kaso ni Lascañas.
Nadaras a pannakairuar ti ayuda kadagiti naapektaran ti didigra, imbilin ni Marcos
Adun a kriminal a kaso ti naipila a maibusor ken ni Lascañas, a dati a kameng ti makunkuna a Davao Death Squad.
Pimmanaw ni Lascañas iti pagilian ket nagpaay a saksi iti International Criminal Court (ICC) a nangitudo ken ni dati a presidente Rodrigo Duterte mainaig iti maipagarup nga extrajudicial killings (EJK). (Ivy Tejano/Manila Bulletin//Lito Hilidon/Bannawag)
