Tapno maipasdek ti estratehia iti depensa ken mapabileg ti armada, makipatpatang ita ti Filipinas iti Estados Unidos (US) para iti posible a pannakausar ti ad-adu pay a military assets ken equipment ti US, kinuna ni Philippine Ambassador to Washington Jose Manuel “Babe” Romualdez.
Iti maysa nga interbiu iti Newswatch PH, impalgak ni Romualdez ti tarigagayda a mangisayangkat iti ad-adu pay a visiting forces exercises sakbay nga agleppas ti tawen, agraman ti pannakausar dagiti missile.
Inlawlawag ni Romualdez a saan laeng a ti missile system ti dakdakamatenna, no di ket, ti dadduma pay nga alikamen ken ramit a mausar para iti depensa ti pagilian, kas paset ti estratehia ti Filipinas iti depensa, ken ti pannakialiansa ti Filipinas iti US.
Segun ken ni Romualdez, a paset dagitoy ti 1951 Mutual Defense Treaty (MDT) ken ti Enhanced Defense Cooperation Agreement (EDCA).
Senado, pinasingkedanna ti ₱6.793-trilion a nailian a badiet para 2026
Innayon ni Romualdez a silulukat ti Filipinas iti pannakipasetna iti entero a shipbuilding operation ti US, nga isu ti dati a Hanjin Shipyard—nga Agila Subic multi-use facility itan—a nagatang ti maysa a finance company ti Amerika nga agpapaay itan a para iti negosio. (Raymund Antonio/Manila Bulletin//Lito Hilidon/Bannawag)
