Nagbalinen a tropical depression a napanaganan iti “Huaning” ti low-pressure area (LPA) iti Batanes, segun iti Philippine Atmospheric, Geophysical and Astronomical Services Administration (PAGASA) ita nga aldaw, Agosto 18.
Kinuna ni PAGASA weather specialist Daniel James Villamil a nagbalin a tropical depression ni Huaning itay 2:00 iti parbangon, ken nasaripatpatanda iti 520 a kilometro iti daya-amianan a daya ti Itbayat, Batanes itay 3:00 iti parbangon.
Agpigsa iti agdama ni Huaning iti 45 a kilometro kada oras iti asideg ti sentrona, ken pugso nga agingga iti 55 a kilometro kada oras.
Segun ken ni Villamil, awan ti maibayog a tropical cyclone wind signal, ken awan ti direkta nga epekto ni Huaning iti pagilian wenno iti abagat (southwest monsoon) kadagiti mapasungad nga aldaw.
Pannakaimbestigar ti mining permit iti Dupax del Norte, kiniddaw ni Sen. Pangilinan
Manamnama a rummuar ni Huaning iti Philippine Area of Responsibility (PAR) inton Martes, Agosto 19. (Ellalyn De Vera-Ruiz/Manila Bulletin//Lito Hilidon/Bannawag)
