Inyusuat ti gobierno probinsial ti Pangasinan idi Biernes, AGosoto 22, ti 10 a tawen a proyekto a pannakataming dagiti karayan kas paset dagiti gannuat para iti flood management.
Kinuna ni Governor Ramon Guico III a nakikadua ti gobierno probinsial iti maysa a pribado nga entidad para iti dredging ken desilting dagiti kangrunaan a sistema ti karayan, mangrugi iti Limahong Channel iti Lingayen ken Nayum River iti illi ti Dasol.
Impasiguradona a ma-monitor a naimbag ti desilting tapno saan a ma-overdredging.
Ti pribado nga entidad ti mangigastos iti proyekto.
Farm specialist iti Abra, napaltogan
"Maipasiguradotayo a nainget a maiwanwan ti probinsia babaen ti agdama nga ordinansatayo. Isu a responsibilidadtayo ti mangmantiner iti daytoy a programa," kinuna ni Guico iti bitlana kabayatan ti pannakayalnag ti proyekto.
Mairaman iti proyekto ti inland dredging, solid waste management, panagmula iti kayo kadagiti igid ti karayan, ken suporta para kadagiti cleanup drive nga idauluan ti lokal a gobierno.
"Nagbalin dagitoy a pagbasuraan dagiti komunidad ken ti dadduma, nagbalin payen a pagnanaedan ti sumagmamano kadagiti lokalidadtayo, isu a mabangenan dagiti natural a pagnanaedan," kinunana.
Innayonna a saan nga agsardeng ti dredging iti sungaban dagiti karayan no di ket kadagiti inland communities a pagay-ayusan dagiti wawaig ken karayan.
Tulongan ti gobierno probinsial dagiti local government unit iti nadumaduma nga aktibidadda a panagdalus iti karayan babaen ti panannakaipaay kadagiti equipmentn.
Maipasdek ti baro a flood management department a mangimaton ken mangsustiner kadagiti gannuat.
Kinuna ni Guico a dagiti long-term effort ket pakairamanan ti scientific studies, disaster risk reduction measures, ken pannakipaset ti komunidad. (Hilda Austria/PNA)
