Pampanunoten ni Presidente Ferdinand Marcos Jr. no ania a pagsaadan iti gobierno ti mabalin a pagakman ni General Nicolas Torre III kalpasan a maikkat daytoy a kas hepe ti Philippine National Police (PNP).
Segun ken ni Department of the Interior and Local Government (DILG) Secretary Jonvic Remulla, napagsasaritaanda daytoy iti nabiit pay a panagtataripnongda ken iti presidente a nagsasaritaanda ti pannakasukat ni Torre kas hepe ti PNP.
Ngem kinuna ni Remulla a dina ammo no ania a pagsaadan ti mabalin a maidiaya ken ni Torre.
Ni Torre ti dinutokan ni Presidente Marcos a kasukat ni Gen. Rommel Francisco Marbil kas hepe ti PNP idi Hunio 2024.
Pannakaimbestigar ti mining permit iti Dupax del Norte, kiniddaw ni Sen. Pangilinan
Ni Torre ti nangidaulo iti pannakaarestar da Kingdom of Jesus Christ pastor Apollo Quiboloy idi napan a tawen, ken dati a presidente Rodrigo Duterte idi Marso itoy a tawen.
Kinuna ni Remulla a pampanunoten ti presidente nga aramaten ti naruay a padas ni Torre para iti dadduma pay a pagsaadan ti gobierno, ta agtalek ti presidente ti kabaelan ken kinatibker ni Torre. (Aaron Recuenco/Manila Bulletin//Lito Hilidon/Bannawag)
