Awan ti nadangran a Filipino iti rimsua a welga iti Indonesia itay kallabes, segun iti Embahador ti Filipinas ken Konsulado.
Iti maysa nga statement itay Agosto 31, impalgak ti Embahada ti Filipinas iti Jakarta ken ti Philippine Consulate General iti Manado nga awan pay ti naawatda nga impormasion iti asino man a Filipino a nadangran iti rali, ken pinakdaaranda dagiti komunidad ti FIlipino nga agannad ken liklikanda dagiti lugar a pakaang-angayan dagiti welga.
Rimsua dagiti rali iti Indonesia idi napan a lawas kalpasan a pinuruakan dagiti polis iti smoke bombs ken pinaturonganda iti water cannon dagiti agwelwelga.
Ngem kimmaro daytoy idi matay ti drayber ti motor taxi kalpasan a pinadalisan ti lugan ti polis.
78 pay nga ebidensia, gandat nga ipila ti depensa ni Duterte para iti mapasungad a confirmation hearing iti ICC
Naisayangkat dagiti welga gapu iti no manon a bulan a pannakapaay ti publiko iti kasasaad ti ekonomia ken politika ti Indonesia, kalpasan ti naiwaragawag a 580 a parliamentarian ti immawat iti binulan a housing allowance nga aggatad iti $3,000 malaksid iti sueldoda.
Maminsangapulo daytoy iti kababaan a sueldo iti Jakarta ken mamin-20 iti kababaan a sueldo kadagiti napangpanglaw a lugar. (Raymund Antonio/Manila Bulletin//Lito Hilidon/Bannawag)
